Avtotransportning atmosfera havosiga salbiy ta'sirini kamaytirish maqsadida O'zbekiston Respublikasi Davlat tabiatni muhofaza qilish qo'mitasi Ichki ishlar vazirligi hamda Sog'liqni saqlash vazirligi bilan hamkorlikda avtotransport korxonalari (ATP), avtomobillarga yonilg'i quyish shahobchalari (AYoQSh), texnik xizmat shahobchalarining (TXSh) toza havoni saqlash bo'yicha faoliyatini hamda avtotransport vositalari chiqargan gazlarning zaharli moddalar va tutunga to'yinganligini tekshirish maqsadida «Toza havo» tadbirining 1-bosqichi amalga oshirildi.

O'zbekiston Respublikasi Davlat tabiatni muhofaza qilish qo'mitasi Hay'atining tasdiq etilgan ish rejasiga muvofiq joriy yilning noyabrb oyida «O'zbekiston Respublikasi Davlat tabiatni muhofaza qilish qo'mitasi va «O'zbekiston Respublikasi Ichki ishlar vazirligi organlarining «Toza havo» tadbirini tashkil etish va O'tkazish jarayonida O'zaro ishlashi haqida» masala ko'rib chiqiladi.

«Yangi avlod forumi» Bolalar ijodi markazida "Jayron izidan 2007" bolalar ekologik ekspedisiyasi natijalariga bag'ishlangan matbuot-anjumani bo'lib o'tdi. Unda «Ekomaktab» ekologik klubi, «Raboti Malik» sayyohatchilar uyushmasi, «Yangi avlod forumi» Bolalar ijodi markazidan bolalar ishtirok etdilar. Ishtirokchilar ekspedisiya haqida o'z taassurotlari bilan o'rtoqlashdilar, fotosuratlar, rasmlar taqdim etdilar va ommaviy axborot vositalari vakillarining savollariga javob berdilar.

“LUKOIL Uzbekistan Operating Company” bir yo'la ikki xalqaro me'yorga - ISO 1400:2004 va OHSAS 18001:1999 - muvofiq kelish uchun sertifikatsiyadan o'tgan O'zbekiston Respublikasidagi yagona kompaniya bo'ldi.

2006 va 2007 yillarda BVQI, Sanoat xavfsizligini boshqarish, mehnatni va atrogf-muhitni himoya qilish integrashtirilgan tizimi, sertifikatsiya organi tomonidan o'tkazilgan sertifikatsiya va nazorat auditlari doirasida “LUKOIL Uzbekistan Operating Company” ISO 1400:2004 xalqaro me'yori va OHSAS 18001:1999 xalqaro talabiya javob berishi tan olindi. Shunday qilib, “LUKOIL Uzbekistan Operating Company” sanoat va ekologik havfsizlik boshqaruvi tizimi sertifikatsiyasidan muvaffaqiyatli o'tgan hamda bir vaqtning o'zida ikki xalqaro me'yor bo'yicha sertifikatga ega O'zbekiston Respublikasidagi yagona kompaniya bo'ldi.

Auditorlar tomonidan atrof-muhitni himoya qilish, sanoat havfsizligi, mehnat sharoitini yaxshilash va uni muhofaza qilish, favqulotda vaziyatlar oldini olish sohalaridagi tadbirlarning kompleks rejalashtirish va preventiv tabiati yuqori baholandi.

O'zbekiston Respublikasi Vazirlar Mahkamasi huzuridagi Gidrometeorologiya xizmati markazi (O'zgidromet) da Cho'llanish bilan kurash Xalqaro kuniga bag'ishlangan Davra suhbati bo'lib o'tdi.

.

Toshkent shahrida Milliy dastur va O'rmon qonunchiligini ishlab chiqish FAO TSR/ UZB / 3101 (A) Dasturi doirasida «Milliy seminar-o'rmon xo'jaligining xozirgi xolatini baxolash» mavzusida seminar bo'lib o'tdi.

Tadbir davomida o'rmonlarni saqlash bo'yicha chora va imkoniyatlar muhokama etildi va to'ldirildi. Mazkur seminar ishtirokchilarining barchasi uch seksiyaga bo'lindi. Seminar nihoyasida seksiyalar o'z ishlarini taqdim etdilar. Seminarning asosiy mavzusi - bu o'rmonchilik sektorining aholi hayot darajasini ko'tarish uchun qo'shadigan hissasi bo'ldi. Masalan, yog'ochdan unumli foydalanish, uni ishlab chiqarishda qoluvchi ikkilamchi xom ashyo foydasi va h.k. Shuningdek, mahalliy aholi uchun ovchilik xo'jaligini rivojlantirish va qo'llab-quwatlash masalalari ko'rib chiqildi.

“Jayron izidan” bolalar ekologik ekspeditsiyasi nihoyasiga yetdi.

Bolalar ekspeditsiyasi Toshkent shahridan Buxoro viloyatiga qarab yo'l oldi va Respublika nodir hayvonlarni ko'paytirish “Jayron” Ekomarkaziga bo'lib o'tdi.

5-9 iyun davomida ekspeditsiyaning barcha ishtirokchilari uchun Ekomarkaz bilan tanishish va uning rivoji uchun o'z ulushini qo'shish, cho'l hududining betakror tabiiy go'zalligi, qurg'ochilik zonasining hayvonot va nabotot bilan tanishish, Qizil Kitobga kiritilgan nodir hayvonlarni ko'rish imkoniyati yaratildi. Shuningdek, Buxoro shahridagi tarixiy madaniy yodgorliklar bilan ham tanishdilar.

Har bir otryadda o'z belgilangan ishi, maqsadi va vazifalari bo'lib, bolalar zerikishiga vaqt yo'q edi. Har bir ish dala va kameral turlarga bo'lindi. Ekspeditsiyaning yosh qatnashchilari nafaqat yorqin taassurotlar, balki keyingi tahlil va o'rganish uchun foydali ma'lumot ham oldilar. Ekspeditsiya nihoyasidan so'ng ishtirokchilar to'plangan ko'pgina ma'lumotlarni to'pladilar, ular asosida maqolalar tayorlaydilar, matbuot-anjumanlari o'tkazadilar, o'z klublarida davra suhbatlarini o'tkazadilar.

Tadbirning asosiy maqsadi bolalar va yoshlarni atrof-muhitni muhofaza qilish faoliyatiga jalb etish, ona tabiatni asrab-avaylash va unga mehribon bo'lishni o'rgatish bo'lib, tashkilotchilar fikricha mazkur vazifa to'liqligicha amalga oshirildi.

“Jayron izidan” bolalar ekologik ekspeditsiyasi natijalari bo'yicha matbuot-anjumani tashkil etilib www.econews.uz veb-sayti o'quvchilari bu haqda birinchi bo'lib ma'lumotga ega bo'ladilar.

5 iyun kuni yosh ekologlar va tabiat qo'riqchilari “Jayron izidan” ekspeditsiyasiga yo'l oldilar.

Ekspeditsiya ishtirokchilari “Yangi Avlod Forumi” Bolalar Ijodi Markazi, “Ekomaktab” va “Raboti Malik” jamoatchilik tashkilotlari, “KLASS” bolalar gazetasi tarbiyalanuvchilari va yoshlaridan iboratdir.

Tadbir Ijtimoiy himoya yiliga bag'ishlangan tadbirlar doirasida amalga oshirilayotgan bo'lib, Butunjahon atrof-muhitni himoya qilish kuniga bag'ishlangandir.

Bolalar ekspeditsiyasi Toshkent shahridan Buxoro viloyatining “Jayron” Ekomarkaziga qarab boradi.

Ekspeditsiya quyidagilar homiyligida amalga oshirilmoqda:

• O'zbekiston Respublikasi Tabiatni muhofaza qilish davlat qo'mitasi;
• BMTTD
• “Ekologiya xabarnomasi” jurnali
• O'zLiDeP va uning Buxoro viloyati bo'linmasi.

Qatnashchilar oldiga qo'yilgan vazifalarni quyidagi otryadlar amalga oshiradi:

• «Ekojurnalistlar»;
• Ornitologlar;
• Yosh ekologlar.

Tadbirning asosiy maqsadi bolalar va yoshlarni atrof-muhitni muhofaza qilish faoliyatiga jalb etish, ona tabiatni asrab-avaylash va unga mehribon bo'lishni o'rgatish.

O'zbekistonning Matbuot markazida Butunjahon atrof-muhitni himoya qilish kuniga bag'ishlangan matbuot anjumani bo'lib o'tdi. Mazkur tadbir O'zbekiston Respublikasi Tabiatni muhofaza qilish davlat qo'mitasi tomonidan tashkil etildi.

Matbuot anjumanida Davtabiatqo'm bo'limlari boshliqlari va xodimlari, BMTTD va turli NNT vakillari, jurnalistlar va boshqalar ishtirok etdilar.

Matbuot anjumani S.V.Samoylov (Davtabiatqo'm), A.Volkov (BMTTD) va S.Sanginov (O'zR NNT MU) tomonidan tabrik so'zi bilan ochildi.

Shundan so'ng tadbir ishtirokchilari uchun Bolalar ekologik klublari a'zolari ishtirogida teatrlashtirilgan shou namoyish etildi.

So'ng, bayram munosabati bilan Davtabiatqo'mning faol xodimlari va ekologiya sohasida ishlab kelayotgan jurnalistlarga faxriy yorliqlar va esdalik sovg'alari topshirildi.

“Ekologiya xabarnomasi” jurnalining oltinchi soni nashrdan chiqdi. Mazkur son asosan ekologik turizmga bag'ishlangan bo'lib, uning aksari qismini uch tilda (o'zbek, rus va ingliz) tayorlangan “O'zbekistonda ecoturizmni rivojlantirish konsepsiyasi va istiqbollari” hujjati egallagan.

Jurnal bilan quyidagi manzil bo'yicha tanishishingiz mumkin >>>

“Yangi Avlod Forumi” Bolalar Ijodi Markazida O’zbekiston madaniyati fa forumi jamg’armasi tomonidan 1 iyun - Bolalarni himoya qilish kuniga bag’ishlab tashkil etilgan katta xayriya tadbiri bo’lib o’tdi.

Bolalarni himoya qilish kunida “Yangi Avlod Forumi” BIM tarbiyalanuvchilari Mirzo Ulug’bek nomidagi istirohat bog’ida ular uchun uyushtirilgal ulkan foto-sessiyasida ishtirok etdilar. Unda 200dan ortiq fotosuratlar olindi.

2 iyun kuni bayramga bag’ishlangan tadbirni asfaltda rasm chizish ko’rik-tanlovi ochib berdi. Tanlov shiori esa “Biz – Yangi avlod farzandlarimiz” bo’ldi.

Shundan so’ng bolalar va mehmonlar “Mohir qo’llar” klubi a’zolarining ijodiy ishlari ko’rgazmasiga taklif etildilar. Keyin esa mehmonlar o’zbek estradasi yulduzlari va tarbiyalanuvchilar ishtirokidagi gala-konsert tashkil etilgan zalga taklif etildilar.